Umabot eon sa 11,104 ro numero it mga namatay umpisa nga tumama ro mabaskog nga Magnitude 7.8 nga linog sa Turkey ag Syria ko nagtaliwan nga Lunes, Pebrero 6.
Sa pagbisita sa mga lugar maeapit sa sentro it limog, ginpahayag ni Turkish President Recep Tayyip Erdogan nga sa Turkey, ro numero it mga namatay hay tumaas sa indi magnaba sa 8,574, kung siin haeos 50,000 iba pa ro naireport nga ninahan.
Sa Syria, indi magnaba sa 2,530 katawo ro nailistang namatay sa mga lugar nga kontrolado it gobyerno ag mga rehiyong buyot it mga rebelde.
Suno man sa aid agencies ag emergency workers ro numero it mga namamatay hay posibleng madugangan pa bangud maabu pa sa gihapon ro mga tawo nga na-trap sa idaeom it mga nag-eugus nga edipisyo ag sa eamig it panyempo nga nagabaeabag sa mga rescue effort.
