KALIBO, Aklan—Nadugangan it daywa ro mga binawian it hueam nga kinabuhi sa bilog nga probinsya it Aklan bangud sa Covid-19.
Raya hay ginakaeakipan nanday case #2741 ag case #2240 rason nga nagtaas eon sa 66 ro death toll sa probinsya.
Sa pihak kara, nadugangan man it 34 ro kumpirmadong kaso it deadly virus sandig sa ginpaguwa nga panibag-ong datos it Aklan Provincial Epidemiology Surveillance Unit it Provincial Health Office.
Raya hay ginakaeakipan it 19 maghalin sa banwa it Ibajay; daywa sa Kalibo; pito sa Malay; tig-sambilog man maghalin sa banwa it Malinao; Nabas; New Washington, Banga, Batan ag Tangalan.
Bangud kara, nagsaka pa sa 2,743 ro kabilugang numero it kumpirmadong kaso it covid-19 sa bilog nga probinsya it Aklan.
Samtang, nagaabot man sa 2,215 ro total recoveries matapos nga nakalista it 37 nga panibag-ong nagmayad halin sa nasambit nga masakit.
Sa makaron, 462 pa ro aktibong kaso it deadly virus nga ginakaeakipan it 402 nga presenteng una sa facility quarantined, 17 ro naka-home quarantined ag 43 ro admitted.
