Nagsaka eon sa kabilugan nga 2,645 ro numero it mga namatay sa magkasunod nga mabaskog nga linog nga tumama sa Venezuela, suno sa pinaka-ulihing datos nga ginpaguwa it mga awtoridad, adlaw it Biyernes, Sabado sa Pilipinas.
Masobra sa 12,600 nga katawo man ro naninahan samtang linibu nga iba pa ro nagapabilin nga missing.
Madumduman nga tumama ro magnitude 7.2 nga linog ko Hunyo 24 nga ginsundan it 7.5 nga linog nga nagtuga it kahalitan sa pilang imprastuktura sa nasyon.
Pinakamabahoe ro kahalitan nga nailista sa baybayong probinsiya it La Guaira, sa naaminhan it kabisera it Caracas, kun sa siin nahugos ro dose-dosenang apartment buildings ag iba pang imprastraktura.
Padayun pa ro search and rescue operations it mga awtoridad samtang ginatinguhaan nanda nga mausoy ro mga naduea nga residente.
