Indi magnaba sa 35 katawo ro namatay ag masobra 134 ro ninahan matapos tumama ro magnitude 7.8 nga linog sa Sarangani ku Hunyo 8, nga nagtuga it maeapnagon nga kahalitan sa mga building ag imprastraktura sa Mindanao.
Pinakamaabong namatay ro nalista sa General Santos City, samtang 12 katawo pa ro ginreport nga missing.
Kaabuan sa mga biktima hay namatay bangud sa pagbagsak it mga debris, pagka-hugos it mga building, ag landslide.
Kaibahan sa mga grabe nga naapektuhan ro sangka eskwelahan sa General Santos City nga nahugos samtang may mga estudyante sa sueod.
Tuga it linog, naapektuhan ro kapin sa 8,600 eskwelahan sa an-om nga rehiyon, samtang temporaryong ginsarado ro General Santos International Airport para sa safety inspection nga nagresulta sa pagkansela it 17 domestic flights.
Nagpaguwa man it tsunami warning ro pilang kaeapit nga nasyon kaibahan ro Japan ag Indonesia, apang uwa nagbuhay hay ginbawi man ro mga alerto.
Padayon man ro beripikasyon it mga awtoridad sa kabilugan nga numero it mga naapektuhan it kalamidad.
