Humampak eon sa 167 ro kabilugan nga numero it mga namatay kasunod it pagpanaeasa it bagyong Agaton.
Suno sa National Disaster Risk Reduction and Management Council (NDRRMC), kapin sa 151 sigon it mga napabalita nga namatay hay halin sa Eastern Visayas, 11 sa Western Visayas, tatlo sa Davao Region ag daywa sa Central Visayas.
Base sa data, ginpahayag it NDRRMC nga kapin sa 110 katawo pa sa makaron ro napabalita nga missing ag waeo ro nag-angkon it injury.
Apang sa makaron, 12 pa eamang ro kumpirmadong namatay samtang an-om ro ninahan ag an-om ro missing.
Sumaka man sa 1,939,514 katawo ukon katumbas it 562,548 families ro apektado it bagyong Agaton sa 2,424 nga mga barangay sa Bicol, Western Visayas, Central Visayas, Eastern Visayas, Northern Mindanao, Davao, Soccsksargen, Caraga ag Bangsamoro.
Kabilugan nga 209,162 katawo ukon katumbas it 59,999 nga pamilya ro apektado ag presenteng nagatinir sa 959 evacuation centers samtang 139,197 katawo ukon 100,921 ro displaced families.
Naga-abot man sigon sa 10,364 nga kabaeayan ro na-damage nga ginakaeakipan it 9,700 nga partially ag 664 ro totally damaged sa Regions 5, 6, 7, 8, 10, 11, 12 ag Caraga.
