Death toll sa nag-eontad nga magnitude 5.6 nga linog sa Indonesia, sumaka eon sa 271

Sumaka eon sa sa 271 ro numero it mga namatay matapos ro nag-eontad nga magnitude 5.6 nga linog sa West Java, Indonesia.

Base sa pinakaulihing datos it mga otoridad, kaabuan sa mga namatay hay mga unga samtang padayun man nga gina-usoy ro 40 indibidwal.

Suno sa National Disaster Mitigation Agency, 22,000 kabaeayan ro nahalitan samtang masobra 58,000 katawo ro naapektuhan it mabaskog nga pag-uyog.

Ginpahayag man it Save the Children nga kapin sa 80 mga eskwelahan ro nag-angkon it kasamaran.

Samtang, nagapadayun man ro rescue operations it mga otoridad ag nagpromisa si Indonesian President Joko Widodo nga pagabuligan ro mga naapektuhang komunidad.