Death toll sa pagbaha sa South Africa, bumunae eon sa masobra 443

Humampak eon sa 443 ro kabilugan nga numero it mga namatay bangud sa grabe nga pag-uean sa South Africa nga nagtuga it pagbaha ag mudslides.

Base sa report, padayun pang gina-usoy ro  12 indibidwal sa probinsya it Kwazulu-Natal.

Suno sa sangka Provincial Economic Official, ginabuebanta nga naga-abot sa $684.6 million ro haega it kahalitan sa imprastraktura.

Samtang, napaiway man ro nakataeana kunta nga pagbisita ni South African President Cyril Ramaphosa sa Saudi Arabia para talakayon kung paano pagasolusyon ro natabo nga kalamidad sa andang nasyon.