-- ADVERTISEMENT --
Nag-abot eon sa 76 ro numero it mga namatay sa sunog sa MV June Aster matapos makarekober ro Philippine Coast Guard it 41 nga iba pang bangkay halin sa nasunog nga barko ko adlaw it Sabado.
Gindaea ro mga bangkay sa Borac Port sa Coron, Palawan para sa forensic examination ag pagtumod sa andang pagkatawo.
Gin-umpisahan eon man it mga forensic team ro pagbo-oe it mga specimen para sa DNA testing ag pagkumpara sa mga sample halin sa pamilya it mga biktima.
Sa 134 nga tawong nakalista sa manifesto, 43 ro naka-eowas ag 13 nga iba pa ro padayun nga gina-usoy.
Suno sa mga awtoridad, padayun ro operasyon para marekober ro iba pang posibleng bangkay halin sa barko.
-- ADVERTISEMENT --
