Umabot eon sa 90 ro mga namatay sa pagpanaeasa it bagyong ‘Kristine’ suno sa Office of Civil Defense (OCD).
Suno kay OCD administrator Undersecretary Ariel Nepomuceno, padayon pa nandang ginaberika kon ano ro ginkamatay it mga raya.
Sa datos it OCD, waeo ro nadugang nga numero sa mga namatay sa andang report halin sa 82 nga kabilugang namatay ko adlaw it Sabado.
Mag-eowas sa mga namatay, naka-monitor man ro ahensya it 41 nga missing ag 70 indibidwal ro na ireport nga naninahan.
Sa datos maghalin mat-a sa National Disaster Risk Reduction and Management Council (NDRRMC), umabot eon sa 158 nga kabilugang lugar ro nag deklara eon it ‘state of calamity’ pagkatapos madaeasa it bagyong ‘Kristine’.
Samtang, suno sa Department of Public Works and Highways, 21 pang mga lugar ro padayon nga nakasarado.
Magatao mat-a it P1.5 million pesos nga financial assistance ro ahensya it Department of Social Welfare and Development (DSWD) para sa mga nadaeasa nga lugar sa Bicol Region ag Calabarzon.
