KALIBO, Aklan — Owa it kaeian it buot ro pamunuan it defending champion nga Black Beauty Boys sa naging resulta it sadsad contest sa bag-o eamang natapos nga Kalibo Sto. Nino Ati Atihan festival 2025.
Suno kay Lucas Francisco, tribe leader nga owa sanda it kwestiyon sa naging desisyon it mga judges.
Haeos tanan sigon nga nagpasakop nga tribu ag grupo hay nagatinguha nga maga-kampeon, apang may sambilog gid dapat nga magapangibabaw.
Kuntento sigon sanda sa andang pagiging 1st runner up kun sa siin kada dag-on maskin ano pa ro andang mabo-oe nga kadaeag-an hay ginakabig nanda nga blessing halin kay Sto. Nino.
Pagkatapos it andang 1st place finish makaron nga dag-on, mas pa sigon sanda nga magatinguha pinaagi sa pagpanami pa it andang costume ag performance sa street dancing competition agud nga uman nga makabawi sa masunod nga festival .
Malipayon man sanda bangud nga kasimaryo man nanda ro nagkampeon nga Tribu Linabuanon .
