Defense chief kumpiyansang matuldukan eon ro problema sa CPP-NPA antes matapos ro termino ni Pangueong Duterte

Nagaeaum si Defense Secretary Delfin Lorenzana nga matapos it militar ro problema sa CPP-NPA antes magpanaog sa pwesto si Pangueong Rodrigo Duterte sa Hunyo 30.

Raya ro ginpahayag ni Lorenzana sa anang mensahe sa pagselebrar it ika-125 Anibersaryo it Philippine Army sa Fort Bonifacio Grandstand makaron nga hapon.

Suno sa sekretaryo, nasayuran nana nga mabudlay ro away bangud “well entrenched” ro mga kontra.

Kadungan kara, ginpasaeamatan ni Lorenzana ro Philippine Army sa pagpanguna ni Phil. Army Commanding General Lt. Gen. Romeo Brawner Jr, sa anang manami nga serbisyo halin sa pagsabat sa Covid 19 pandemic hasta sa pag-responde sa mga gindaeasa it Bagyong Odette.