Gitaw-an it dugang nga oras ro defense team ni Vice President Sara Duterte para ma-tun-an ro mga rekord it Anti-Money Laundering Council ukon AMLC antes ro testimonya it Executive Director kara nga si Ronel Buenaventura.
Naghiyo it oras ro lead counsel nga si Sheila Sison matapos eaman nanda nga mabaton ku Huwebes ro mga summary it AMLC records. Ginabueubanta nga 23 hasta 24 kahon it dokumento ro kinahangea nanda nga usisaon agud makapahaom para sa direct ag cross-examination.
Ginpasugtan man ni Senate President ag presiding officer Francis “Chiz” Escudero ro hinyo it depensa kaya sa Oktubre 5 eon igapadayon ro testimonya ni Buenaventura.
Ginsaylo man sa mga masunod nga petsa ro testimonya it mga representante it insurance companies, mga bangko ag Bureau of Internal Revenue.
Samtang, posibe man nga talakayon sa caucus ukon open session ro isyu sa “Strictly Confidential” marking it AMLC records ag mga probisyon sa confidentiality sa idaeom it Anti-Money Laundering Act.
