Padayon ro ginahimo nga preparasyon it mga atleta it Western Visayas para sa paaeabuton nga Palarong Pambansa 2026 nga pagahiwaton sa Mayo 24 hasta 31 sa Agusan Del Sur.
Suno kay Charlie Ureta, Education Program Supervisor it Department of Education (DepEd) Aklan, sa makaron hay may ginapatigayon nga 30-days training ro mga atleta.
Sa Aklan, 48 ka mga atleta ro kwalipikado para sa nasambit nga pahampang.
Dugang pa nana, ro manami ag bag-o makaron nga dag-on hay tanan nga mga division sports officer hay gintaw-an it assignment nga mag-supervise ag mag-monitor sa mga teams.
Ginatutukan ag ginasuportahan nanda ro mga training it mga inunga para nga mapabilin ro ika-pitong pwesto nga nakuhit it Division of Aklan ku nagtaliwan nga Palarong Pambansa 2025.
Maga-byahe paadto it Agusan del Sur du mga delegado it Region 6 sa maabot nga Mayo 15-17 para nga maka-adjust ro mga atleta sa lugar.// mabahoe man ro andang pasaeamat sa mga nagpaabot it suporta para sa mga atleta.
