LEZO, Aklan — Naninahan ro pahinante matapos matumba sa karsada ro sangka refrigerated delivery truck sa diversion road nga sakop it Brgy. Carugdog, Lezo, Aklan, bandang alas-7:50 it agahon it Miyerkules, Oktubre 21, 2026.
Base sa paunang impormasyon, paagto sa banwa it Malay ro truck halin sa Iloilo kat matabu ro insidente.
Ginasugid nga nag-overtake ro saeakyan ag kat nagbalik sa anang kaugalingon nga linya hay nawad-an sigon it kontrol sa manibela ro driver, rason nga natumba sa karsada.
Insigida man nga rumesponde ro Bureau of Fire Protection (BFP) ag Philippine National Police (PNP) agud nga magbulig sa insidente.
Naggamit it higot ag backhoe ro mga awtoridad agud nga mapatindog ro natumbang refrigerated van. Ginsaylo man sa ibang saeakyan it kompaniya ro mga iga-deliver nga kargang frozen products kara.
Nag-angkon it mga gasgas ro pahinante, samtang padayun pa nga ginatumod ro iba pang detalye it insidente.
