KALIBO, Aklan—Gin-inquest eon ag nakataeanang pagapasakaan it kasong Reckless Imprudence Resulting to Homicide and Damage to Property ro delivery van driver nga ginkilaea kay Julius Ticar, 46-anyos ag residente it Cadiz City, Negros Occidental nga imaw ro nakasunggab sa sangka motorista sa national highway nga sakop it Brgy. Poblacion, Makato.
Ginpahayag ni PSSgt. James Padasas it Makato PNP nga namatay ro biktima nga ginkilaea kay Henry Magdayao, 33-anyos ag residente it Denila Compound Dulunan, Arevalo, Iloilo City bangud sa mabaskog nga impact it pagkabunggo.
Dugang pa kara nga natabo ro aksidente sa pakurbada nga porsyon it karsada kon sa siin inigpit gid it saeakyan nga may kargang mga frozen products ro nasambit nga motorsiklo.
Nadaea pa sa sangka pribadong ospital sa banwa it Kalibo ro biktima apang ko ulihi hay gindeklara man nga patay it nagtatap nga doktor.
