Kalibo Aklan———-Maskin nga may daywang nailistang kaso it Delta variant it COVID-19 sa Pandan, Antique , owa it natumod nga kaso it nasambit nga variant sa probinsiya it Aklan .
Raya ro ginklaru ni Dr. Cornelio “Bong” Cuatchon, Jr. it Provincial Health Office (PHO-Aklan).
Ro Delta variant hay halin sa India ag ginasugid nga mas makataeapon ag makamaeatay .
Raya sigon ro resulta it andang ginpadaea nga specimen sample sa Philippine Genome Center.
Apang base sa sequencing , may na-detect nga beta variant cases ukon South African variant nga nakasueod sa Aklan partikular sa mga banwa it Buruanga, New Washington ag Nabas .
May natumod man nga P variant ukon Philippine variant hay nakita sa banwa it Kalibo ag New Washington.
Suno kay Dr. Cuatchon nga padayun ro andang pakikipag angot sa natungdan nga LGUs eabi eon sa andang mga rural health units para sa hugut nga monitoring it mga pasyente.
Angot kara, padayun ro andang apela sa publiko nga magsunod sa minimum public health standards agud nga malikawan ro transmission it COVID-19.
