KALIBO, Aklan—Nagtaas makaron nga buean it Oktubre ro demand sa pagpa-obra it lapida.
Raya ro ginpahayag ni Susana Palco, tag-ana it lapida maker sa banwa it Kalibo.
Suno kana nga bukon eamang ro mga vendors it bueak ag kandila ro naga-enjoy sa pagtaas it andang kita kundi maskin sanda nga naga obra it lapida pilang adlaw antes ro observance it All Saints ag All Souls Day.
Kaabuan sigon sa mga pumueuyu hay ginapakita ro andang pagdumdum ag pagpalangga sa mga mahae sa kabuhi nga nagtaliwan eon pinaagi sa paglimpyo sa andang mga nitso ag ro pagbaylo ukon pagbutang it andang lapida.
Bangud nga peak season it andang business, umpisa sigon ko nagtaliwan nga domingo hay dagsa eon ro mga nagapa obra kanda it lapida.
Gindugang pa kara nga ro lapida making ro naging source of income it andang pamilya it masobra sa pilang dag-on eon ro nagtaliwan.
Kabulig sigon nanda ro andang mga obrero nga experiensiyado eon sa pag-engrave.