Tumaas it asta 90 porsyento ukon katumbas it 64,797 ro nalistang kaso it mga nagka-dengue makaron nga dag-on umpisa Enero asta Hunyo 25 kumpara sa kaparehong period ku nagtaliwan nga dag-on.
Sandig sa National Dengue Data it Department of Health (DOH), kapin sa kabilugang 34,074 kaso it dengue ro nalista umpisa Enero asta Hunyo 25 ku nagtaliwan nga dag-on.
Suno sa DOH, kapin sa 274 katawo nga nagka-dengue ro namatay sa nasyon makarong dag-on ukon katumbas it 0.4% case fatality rate.
Sa nasambit nga numero, 18% ukon 3,902 dengue cases ro nalista maghallin sa Central Luzon, ginsundan it 2,316 cases ukon 11% sa Central Visayas ag 1,997 cases ukon 9% sa National Capital Region.
Nauna eon nga ginpahayag ni Health USec Maria Rosario Vergeire nga ro pagtaas it numero it nagka-dengue sa nasyon hay makabig nga makabaeaka bangud sa pilang mga indibidwal ro na-admit eon sa ospital.
Apang paathag man ni Vergeire nga ro masakit nga dengue hay endemic eon sa nasyong Pilipinas nga kung siin nagataas eamang ro mga kaso it dengue eabi eon gid sa mga buean it tig-ueuean ukon rainy season.
