KALIBO, Aklan–Ginpaathag it Department of Environment and Natural Resources (DENR)-Aklan nga importante ro pag-angkon it titulo it eugta.
Suno kay Imafe Ejar Chief it Regulatory and Permitting Section it DENR-PENRO Aklan nga ro titulo hay sangka pamatuod it pagpanag-iya it eugta it sangka indibidwal.
Nakabaehag sigon sa Republic Act 11573 ro pagpatitulo it agricultural land.
Ro nasambit nga laye suno kana hay naga-promote it pagpatitulo it eugta para sa mga land owner nga owa pa it ginabuytan nga titulo.
Agud nga maka-avail sa programa, kinahang-ean eamang it tag-ana it eugta nga magdaea it latest tax declaration, resibo sa pagbayad it buwis ag mga dokumento nga nagapakita kung paano naadto sa anang poder ro eugta.
Kaparehong requirements man ro kinahang-ean para sa mga gustong magbuoe it titulo para sa residential land sandig sa idaeom it Republic Act 10023.
Ginpahayag dugang nga naga-isyu man ro taeatapan it titulo sa eugta nga ginatindugan it mga pampublikong eskwelahan ag eugta nga ginatindugan it mga edipisyo it gobyerno.
Ginklaro man kara nga ro deklarasyon hay bukon it basehan it pagpanag-iya it eugta.
