KALIBO, Aklan—Ginpasiguro it Department of Environment and Natural Resources ukon DENR Aklan nga pagataw-an it prayoridad ro reklamo it furniture maker nga si Josue Senatin matapos nga ginkumpiska it mga katapo it Tangalan Police Station ro anang mga iga deliver kunta nga tatlong pwertahan nga naga balor it kapin sa P12,000 pesos ag ro pag-hold sa anang saeakyan.
Suno kay Merlene Aborka, Provincial Environment and Natural Resources Office ukon PENRO officer nga posibleng sa Lunes, Mayo 10 hay makapaguwa eon sanda it notice para sa nakataeanang administrative adjudication ukon hearing sa kaso ni Senatin nga pagapangunahan it DENR regional office kun sa siin sanda ro nagadetermina kon may probable cause.
Samtang, sa furniture making business, unang gina-usoy sigon kara ro official receipt halin sa Bureau of Internal Revenue ukon BIR ag kon ro mga kahoy nga ginagamit hay naghalin sa legal nga mga sources.
Required man sigon nga may transport permit halin sa andang taeatapan ro mga ginaputoe ag ginabiyahe nga kahoy.
Nagpaandam man imaw sa mga kahoy nga nagahalin sa banwa it Ibajay partikular sa Barangay Rigador bangud ro campo verde suno kana hay sakop it government reforestration project nga gintamnan it maabu nga mga mahogany tree.
