KALIBO, Aklan–Nag-umpisa eon ro pila sa mga ginpahaum nga aktibidad it Department of Environment and Natural Resources (DENR)-Aklan kasunod it selebrasyon it Environment Month makaron nga buean it Hunyo.
Suno kay Medelyn Quarda it DENR-Aklan nga ro tema nanda para makaron nga dag-on hay “Aksyon para sa natatanging mundo”.
Ko Hunyo 1 suno kana hay naghiwat sanda it Environment Month opening Salvo on Health and Wellness para sa mga empleyado it DENR kung siin nagpatigayun sanda it zumba exercise.
Pila pa sa mga nakalinyadang aktibidad it taeatapan hay ro DENR ambassador project 2022, signing of memorandum ukon partnership agreement, simultaneuous cleaup, tree planting activity, seedling production distribution ag maabu nga iba pa.
Gin-engganyo man kara ro komunidad nga makibuylog sa mga programa it taeatapan eabi eon sa pagpabilin it kalimpyo sa palibot ag pagpreserba sa dunang manggad it probinsya.
