KALIBO, Aklan—Target it Department of Environment and Natural Resources (DENR)-Aklan nga makatanom it butong sa 100 hektaryang eugta sa mga protected area partikular eon sa banwa it Madalag.
Suno kay Mitchell April Rose Tamayo, Forester I ag National Greening Program Coordinator nga raya hay sandig sa plano it ahensya nga maging Bamboo Capital of the Philippines ro Western Visayas.
Pila sigon sa mga ginpahaum nanda nga programa kasunod it selebrasyon it Environment Month hay ro tree planting activity.
Ko Hunyo 8 sigon kat mag-umpisa ro andang simultaneous tree planting activity sa banwa it Ibajay kaibahan ro pilang ka mga grupo it bikers, vlogger ag government agencies kung siin nakatanom sanda it 900 seedlings.
Sa Hunyo 20 sigon may paga-eauman man nga tree planting activity sa banwa it Malay.
Raya sigon hay bukas sa tanan nga gustong magpasakop sa andang aktibidad.
Dugang pa ni Tamayo nga bukas ro andang opisina sa pagbaton it mga request engkaso nga may magkinahang-ean it seedlings.
Raya sigon hay libreng ginatao it DENR bilang kaparte it andang programa sa pagpreserba it mga puno ag palibot.
