Ginpaguba it Department of Environment and Natural Resources ukon DENR ro sangka restaurant nga nakatindog sa eogta nga ginapanag-iyahan it West Cove resort.
Gin-insister ni Mr. Crisostomo Aquino nga illegal ro istraktura nga ginasugid nga may kahilabtanan si Punong Barangay Hector Casidsid.
Ginpamilit nana nga uwa it nagakaigong permit ag iba pang legal nga dokumento ro nasambit nga kaean-an kat gintukod raya sa eogta nga anang ginapanag-iyahan.
Ro nasambit nga lugar hay ginaadtunan it mga turista bangud nga medyo over view kara banda ro bilog nga isla it Boracay.
Nauna eon nga ginpademolish ro porsyon it West Cove resort bangud nakitaan sigon raya it pag-eabag sa pila ka mga environmental laws sa tyempo it rehabilitation it isla.
Apang, ko ulihi hay ginpatindugan it istraktura nga ginareklamo man it pilang ka mga parokyano bangud sa overpricing nanda nga presyo it pagkaon ag maging ro presyo it tubi.
