KALIBO, Aklan—Nakipagbahin ro probinsiya it Aklan sa selebrasyon it Earth Day ko Abril 22 para maipakita ro suporta ag pagprotekta sa aton nga inang kalikasan.
Suno kay Merlene Aborka, DENR-PENRO Officer, may mga ginpatigayon sandang community activities angot sa nasambit nga selebrasyon.
Masadya man kara nga ginpakigbahin nga maabong taeatapan ag komunidad sa probinsiya ro nagpaeapit kanda para makipagbahin sa mga highly relevant local actions.
Sambilog sa mga aktibidad nga nakipagbahin ro MENRO it LGU-Kalibo hay ro pag-adto it mga raya sa modernize mechanize forest nursery agud nga patubuon it husto ro haeos 3000 nga mga ginapatubo nga tanom nga igatanom sa mga natungdan nga lugar sa tyempo it tag-uean.
Sa makaron sigon nga mainit ro panyempo hay inde basta basta makahimo it tree planting activities.
Samtang, may mga pueong nga ginpatigayon sa ASU-Makato angot sa epekto it climate change sa aton nga ecosystem.
Nakipagbahin man sa nasambit nga selebrasyon ro Kalibo save the mangrove association nga nagpatigayon it clean up drive sa coastal ecosystem partikular sa sueod it kalibo mangrove project.
Gin-insister dugang ni Aborka nga importante ro pagselebrar it Earth Day bukon eamang it sa probinsiya kundi pati eon man sa maskin siin nga parte it kalibutan.
