KALIBO, Aklan—Uman nga nagpanguna ro Denver Nuggets sa 2-1 series kontra sa Miami Heat sa game 3 kaina it NBA finals sa South Beach sa Miami, Florida.
Ro final score sa pagtapos it hampang hay 109 to 94.
Suno kay sports analysts Banga sangguniang bayan member Jocel Rata nga nagpakita ro Nuggets it impresibong hampang.
Ginpabatyag eagi sigon it Nuggets ro andang opensa ag depensa sa unang quarter it hampang.
Si Nikola Jokic ro naging kauna-unahan nga player sa kasaysayan it NBA Finals nga nakaangkon it record nga 30/20/10 triple-double, samtang ro anang teammate nga si Jamal Murray hay nakalista man it 30-point triple-double.
Ro serbian nga si Jokic hay nakatipon it 32 points, 21 rebounds, ag 10 assists, samtang si Murray hay may una nga 34 points, 10 rebounds, ag 10 assists.
Samtang, si Jimmy Butler ro nagdaea sa hampang it Heat sa score nga 28 points, samtang si Bam Adebayo hay may double-double nga 22 points ag 17 rebounds.
Nagaeaum si rata nga makabawi ro heat sa masunod nanda nga hampang sa sabado nga adlaw sa homecourt gihapon it Miami.
