KALIBO,Aklan–Ro pagiging matured, bukas it mga player ag ro stratehiya sa hampang ro nagbitbit sa Denver Nuggets sa andang unang NBA title sa kasaysayan it franchise matapos pierdihon ro Miami Heat sa score nga 94-89, sa Game 5 it 2023 NBA Finals nga ginpatigayon sa Ball Arena sa Denver, Colorado.
Suno kay basketball analyst ag Sangguniang Bayan member Jocel Rata, raya ro anang nakikita nga rason sa pagkampeon it koponan.
Madumduman nga si Nikola Jokic hay nagpanguna sa 28 points, 16 rebounds, ag ap-at nga assists sa closeout game.
Nagdugang si Michael Porter Jr. it 16 puntos ag 13 rebounds samtang si Jamal Murray hay may 14 puntos, waeong rebound, ag waeong assist.
Bangud kara, gintau kay Denver Nuggets star Nikola Jockic ro 2023 Bill Russell NBA Finals Most Valuable Player award matapos maaangkon it anang koponan ro NBA championship.
