Nagpahayag ro Department of Agriculture (DA) it kahauman nga magbaligya it P40 pesos kada kilo it bugas. Ginpahayag ni Agriculture Secretary Francisco Tiu Laurel Jr nga magaumpisa raya kon maabo eon nga mga imported nga bugas ro maimponeran it mas manabang taripa pag-abot sa nasyon sa mga masunod nga binuean.
Posibleng ro mga bugas nga ginabaligya sa Rice-for-All program hay mabuhinan it P5 pesos kada kilo kon mag-ugan eon ro presenteng presyo kara.
Ginhalimbawa kara nga engkaso nag ro retail price hay umabot it P45 pesos sa kada kilo it bugas hay magiging P40 pesos ro presyo it andang Rice-for-All program.
Madumduman nga nag-umpisa ro nasambit nga programa ko Agosto 1 kon sa siin ginabaligya ro mga well-milled rice halin sa local importers ag traders it P45 pesos kada kilo nga may unang 25 kilos nga limit kada adlaw sa sangka tawo nga raya hay mas manaba sa presyong P47 hasta P55 pesos kada kilo.
