Ginlaygay it Department of Budget and Management (DBM) nga indi anay magpataas it buwis sa pag-umpisa it pagdumaea it Marcos Administration.
Suno kay DBM acting Secretary Tina Rose Canda, indi makabulig sa problemang pinansiyal it nasyon ro pagpatong it dugang nga buwis bangud nga owa pa nakakabangon ro mga pumueuyu sa kalbaryong inagyan halin sa epekto it pandemic.
Base sa pahayag it Ibon Foundation, P5.9 trilyon pesos ro utang it gobyerno ko 2016 ag lumobo raya it P12.7 trilyon pesos makaron nga 2022 nga paga-aywan it Duterte administraton.
Samtang, ginpamilit ni Canda, nga may rason kon ham-an nga naga-utang ro gobyerno bangud sa covid-19 pandemic kun sa siin owa it isolation facilities, kueang ro hospital beds ag indi puwedeng i-sakripisyo ro kabuhi it mga Pilipino
