Nagpanawagan ro Department of Finance sa masunod nga administrasyon nga boe-on eon ro mga ginapatuman nga exemptions sa value added tax.
Suno sa DOF, posibleng maka-generate ro gobyerno it naga-abot sa P142.5 billion pesos kada dag-on sa oras nga boe-on eon ro VAT exemptions.
Posible sigon raya nga gamiton agud nga mabayaran ro mga utang it Pilipinas.
Madumduman nga ko unang domingo it Mayo, ginbalita it Bureau of Treasury nga naga-abot eon sa kapin sa P12.68 trillion pesos ro kautangan it Pilipinas.
Haeos 4.8% raya nga mas mataas halin sa national debt ko Pebrero nga P12.09 trillion pesos.
Samtang, ginaduso man it DOF ro pagpaiway sa pagbawas sa personal income taxes.
Posible sigon nga sa masunod nga dag-on eon pagabawasan ro ginabayaran nga buwis halin sa sweldo hasta sa 2025.
Sa makarondaya nga pamaagi sigon makatipon ro gobyerno it 97.5 billion pesos kada dag-on.
