Nagbukas it masobra sa 2,600 nga trabaho sa sektor it ikaayong eawas sa bilog nga nasyon ro Department of Health (DOH) bilang kaparte it selebrasyon it andang ika-126 anibersaryo.
Ginpatigayon ro job fair sa nagkaeain-eain nga satellite offices it ahensya ag mga piling lugar kaparehas it Western Visayas Medical Center sa Iloilo City, mga mall Luzon, Visayas, Mindanao, ag Dr. Jose Fabella Memorial Hospital sa Maynila.
Nagtanyag it trabaho para sa mga nurse, doktor, pati eon man sa nagkaeain-eain nga propesyon sa guwa it medical field kaparehas it admin assistant, engineer, information officer, accountant, technician, ag iba pa.
Tuyo sigon it job fair nga magtao it manami nga oportunidad sa mga workers sa sektor it ikamayad nga eawas.
Gin-insister ni Health Secretary Teodoro J. Herbosa, nga ro nasambit nga job fair hay pagpakita it andang promisa sa pagpatuman it Universal Health Care sa bilog nga nasyon.
Magabuhay raya hasta makaron nga adlaw halin alas-9:00 it agahon hasta alas-4:00 it hapon.
