Ginapahaom eon it Department of Justice ro mga dokumento para sa International Criminal Police Organization (interpol) notice request kontra kay Atty. Harry Roque.
Ginpahayag ni DOJ spokesperson and Assistant Secretary Mico Clavano, nga nag-angkon eon sanda it mga konsultasyon sa international law experts it DOJ ag maabong mga options nga paga-pilian. Pwede man sanda mag-pangayo it bulig sa ibang mga diplomatic channels.
Dugang pa kara, una eon sanda sa proseso it pagpili it mga pinakamanaming tikang.
Madumdumang ku nagtaliwan nga dominggo kat mag-guwa it warrant of arrest ro korte sa Pampanga kontra kay Roque ag Cassandra Li Ong nga representative it Lucky South 99 ag 48 iba pa bangud sa kasong qualified human trafficking nga may kaangtanan sa scam hub sa Porac, Pampanga.
Si Roque hay una sa the Netherlands kun siin nag-aaply eon raya it asylum.
