-- ADVERTISEMENT --
Ginreport it Department of Tourism (DOT) nga masobra 1.6 milyong international traveller ro nag-abot sa Pilipinas halin kat uman nga buksan ro leisure travel ko Pebrero.
Sa pagpamati it komite it Senado, ginpahayag ni DOT Secretary Christina Frasco nga naga-abot sa kabilugan nga 1,664,550 international arrivals ro nailista it nasyon as of October 5.
Nagtaas ro nasambit nga numero halin sa 163,879 international tourist arrivals ko pandemic-hit 2021.
Ginpahayag ni Frasco nga kaibahan sa mga nagapangunang source market sa makaron nga dag-on hay ro Estados Unidos nga may 315,279 tourist arrivals; ginsundan man raya it Korea nga may 220,402; Australia nga may 77,249; Canada nga may 70,159 ag United Kingdom nga may 63,533.
