Nagapakig-angot ro Department of Trade and Industry sa Department of Agriculture para masabat ro sunod sunod nga pagtaas it presyo it mga baeakeon.
Suno kay Department of Trade and Industry Undersecretary Ruth Castelo, ro pagkaon ag non-alcoholic beverages sigon ro sambilog sa mabahoe ro ambag sa inflation rate it nasyon.
Maabu nga mga agricultural products ro nagtaea-as ro presyo rason nga makaron hay nagapakigbueuligan ro Department of Trade and Industry para mapanaba ro presyo it mga agricultural products kapareho it mais, asukar ag iba pang mga tinuean-on.
Samtang, nakabantay man sigon ro Consumer protection agencies sa presyo ag ginasiguro nandang may una nga bastante nga supply.
Sa tyempo nga maayos sigon ro daeagan it supply hay owa eon it rason para magtinaas pa ro presyo it mga baeakeon.
