KALIBOP, Aklan—Naka-usoy eon it pondo ro Department of Transportation ukon DOTr para sa feasibility study it ginaproponer nga uman nga pagbuhi sa Panay Railway System.
Ayon kay Capt. Cesar Capellan, director at chief operations officer ng Panay Railways Incorporated nga sa kamatuoran hay gin-umpisahan eon ko nagtaliwan nga domingo ro pagtuon sa ginaduso nga proyekto nga naga-angot sa tanan nga mga probinsiya sa isla it Panay.
Ginpahayag ni Capellan nga ro pagpatigayon it mga feasibility study hay sabat sa panawagan ni Pangueong Ferdinand Marcos Jr. nga ayuson ag pamayaron pa ro public transportation system sa nasyon.
Sa an-um nga proponents nga nagpahayag it interes nga magapatigayon it feasibility study, nagdaog ro Estra Philippines.
Anuman nga adlaw suno kana hay posibleng maga-agto sanda sa Iloilo agud nga magpatigayon it actual nga inspection.
Nauna eon nga ginpahayag ni Capellan nga ro nasambit nga proyekto hay ginaboebanta nga magakinahangean it $1.5 billion dollars para sa Phase 1 pa eamang nga nagasakop sa 117 kilometers it railway tracks halin sa Iloilo City hasta Roxas City.
Ro Phase 2 hay ro pag construct it mga bag-ong riles nga may rotang Roxas City paagto sa Kalibo, hasta sa Caticlan sa Malay.
Samtang, sakop it Phase 3 ro bag-ong railway route halin sa Caticlan, Malay paagto sa San Jose, Antique; ro Phase 4 hay bag-ong rota halin sa San Jose, Antique paagto sa Iloilo City pinaagi sa San Joaquin ag Miag-ao sa probinsiya it Iloilo.
