KALIBO, Aklan–Haum eon ro Department of Education (DepEd)-6 sa pagpatuman it 100% nga face-to-face classes umpisa sa buean it Nobyembre.
Suno kay Dr. Hernani Escullar Jr., tagapaghambae it DepEd-6 nga naging maayos ro implementasyon it limited face-to-face classes halin sa pagbukas it School Year 2022-2023 sa bilog nga rehiyon.
Base sa andang monitoring, nakalista sanda it kapin sa 1,781 ka mga pampublikong eskwelahan nga nagatanyag it limang adlaw nga in person classes samtang 2,267 man nga mga eskwelahan ro nagapatigayun it blended learning.
Ginpaathag man kara nga umpisa Nobyembre 2 hay maga-shift eon sa limang adlaw nga in person classes ro tanan nga pampublikong eskwelaan.
Buot hambaeon kara, owa eon dapat it magapatigayun it blended learning modality mag-euwas sa pilang alternative mode of delivery.Nagaeum si Escullar sa hugut nga partisipasyon it mga estudyante, ginikanan ag manugturo agud nga maging madinaeag-on ro uman nga pagbalik it full face-to-face classes sa nasyon.
