KALIBO, Aklan—Gin-anunsiyo it Department of Education (DepEd)-Aklan nga maga-umpisa eon ro Christmas Break para sa mga pampublikong eskwelahan sa masunod nga dominggo.
Base sa adjusted school calendar para sa School Year (SY) 2020-2021, ginpahayag ni Schools Division Superintendent Dr. Miguel Mac Apusin it DepEd-Aklan nga ro ulihing adlaw it klase para sa 1st Quarter ukon unang grading period hay ko adlaw it Biyernes, Disyembre 11.
Samtang may una man nga In-Service Training (INSET) nga pagahimuon sa December 14 hasta 19 nga sangka learning ag development activity para sa mga manugturo ag school staff.
Sa INSET, makaangkon it seminars, workshops, conferences ag iba pang aktibidad nga makabulig sa mga manugturo agud madugangan pa ro anang kaaeaman ag abilidad sa pagturo.
Ro Christmas Break para sa public school hay umpisa Disyembre 19 hasta Enero 3 samtang magabalik man ro klase sa Enero 4, 2021.
