KALIBO, Aklan—Ginasapinal eon lang it Department of Education ukon DepEd Aklan ro preparasyon para maging haom sa paghost sa Western Visayas Regional Athletic Association ukon WVRAA Meet 2023.
Suno kay Deped Aklan schools division superintendent Dr. Feliciano Buenafe Jr., kapin sa 98 porsyento eon sanda sa andang preparasyon agud nga maging haom ro tanan pag-abot sa playing venues, billeting areas ag maabong iba pa.
Dugang pa nana nga bangud sa suporta it provincial government hay naideyahan nga maayos nga maging convenient sa mga players ro iba pang playing venues.
Ginpaathag nana nga ro ibang hampang hay igapatigayon sa Ibajay ag Tangalan bangud nga sanda ro may standard nga facilities ag convenient para sa tanan eabi eon makaron nga mainit ro panyempo.
Mag-eowas kara, gusto nanda nga i-showcase ro sports sa probinsya it Aklan.
Sa pihak kara, nagapadayon ro inspection ag pagsaayos it engineering office it probinsya it Aklan sa mga linya it tubi, kuryente ag dugang nga bathroom agud nga mataw-an it safe ag secure nga billeting areas ro mga delegado nga maghalin sa probinsya it Iloilo, Capiz, Guimaras, Antique ag Negros Occidental.
Ro opening program hay sa Abril 26, alas-3:00 sa hapon apang ro mga hampang hay opisyal nga maga-umpisa sa Abril 27 hasta it 30, 2023.
Samtang, eauman sigon ro mga nagkaeain-eain nga bisita maghalin sa mga kaeapit nga probinsya ag maging sa nasyonal.
