KALIBO, Aklan—Ginkumbinyo it Department of Education ukon DepEd-Aklan ro mga manugturo nga maging resourceful agud nga makaangkon it learning materials para sa pagturo sa mother tongue-based multi-lingual education.
Raya ro apela ni Dr. Dovie Paroginog, Chief Education Supervisor it schools division superintendent it DepEd-Aklan samtang owa pa it libro para kara partikular sa grade 2.
Nasayuran nga sangka manugturo ro nagpaabot it nasambit nga reklamo sa bombo radyo.
Ginpaathag ni Dr. Paroginog nga ro mother tongue nga subject hay kaeakip sa enhanced basic education program.
Ro paggamit suno kana it kaugalingon nga lenggwahe nga familiiar sa mga inunga nga estudyante bilang medium of instruction hay eubus nga makabulig agud nga maeubtan nanda ro leksyon nga ginaturo kanda.
Raya hay tuga it manaba nga score it mga estudyante sa ginapatigayon nga national achievement test.
Ro learning materials sigon hay nagahalin sa central office, apang ro unang gin-isyu kanda hay hiligaynon rason nga kinahangean pa raya nga umanon.naging problema man sigon kara ro procurement law nga kon sa siin hay masyadong maeawig ro proseso.
Sa pihak nga parte, ginpahayag pa ni dr paroginog nga maabu nga mga estudyante makaron sa elementarya ro over-age sa andang school age bangud sa andang patakaran nga “no read, no move” sa masunod nga grade level.
Raya sigon hay sambilog sa andang problema makaron tuga it mga slow learners nga estudyante.
Samtang, ginpamalibaran ni dr paroginog nga overloaded ro trabaho it mga manugturo base sa anang pag-review sa class program.
Ginpasiguro man nana nga nakataeana eon nanda nga igapaguwa ro listahan it mga manugturo nga nakapasa sa registry of qualified applicants ukon RQA.
