Kalino Aklan ———Haum eon ro Department of Education (DepEd-Aklan) sa uman nga pagpatigayon it expanded limited face-to-face classes sa oras nga mapaidaeaum ro Aklan sa Alert Level 2.
Raya ro ginpahayag ni Dr. Miguel Mac Aposin, Schools Division Superintendent it DepEd-Aklan.
Suno kana nadugangan ro numero it mga eskwelahan sa bilog nga Region 6 nga nagpahayag it kahauman para sa l face to face classes .
Kabilugan suno kana nga 80 nga mga eskwelahan ro ginsumite sa central office nga haum para sa expansion .
Sa nasambit nga numero, ap-at ro halin sa Aklan .
Apang ginpahayag ni Dr. Aposin nga engkaso nga indi pa makompleto ro basic requirements ukon indi pa ma-qualify sa School Safety Assessment Tool maskin nga ro andang lugar hay sa Alert level 1 ukon 2 hay pwedeng indi pa makapatigayon kara.
