KALIBO, Aklan—Target it Department of Education (DepEd)-Aklan nga magtukod it farm school sa Pinamuk-an Integrated School sa banwa it New Washington.
Suno kay Dr. Miguel Mac Aposin, Schools Division Superintendent it DepEd-Aklan nga ginbisitahan nanda ro nasambit nga eskwelahan ko nagtaliwan nga adlaw it Huwebes, Abril 29 kaibahan ro Regional Director it ahensya.
Ro Pinamuk-an Integrated School suno kana ro andang napili nga site sa bilog nga probinsya it Aklan nga butangan it farm school.
Tuyo sigon kara nga matur-an ro mga learners nga maging produktibo samtang naga-iskuyla.
Bangud nga ro Brgy. Pinamuk-an hay napalibutan it tubi ukon ro nagapangunang paeangitan-an sa lugar hay pagpangisda magapukos man sigon ro andang programa sa “aqua culture”.
Nagaeaum man imaw nga maayos nga maumpisahan ro natungdan nga proyekto.
