Maga-himo it mga tikang ro Department of Education (DepEd) Aklan para sa paaeabuton nga Super El Niño.
Suno kay Dr. Darren Naelgas, Eductaion Program Supervisor ag Division Information Officer, maga-angkon it information dissemination sa nagkaeain-eain nga eskwelahan ag magapatigayon it trainings para sa mga teachers ag school head kun umabot eon ro Super El Niño.
May ma programa eon man sigon nga haum para sa mga kaparehong sitwasyon ag mas pa rayang ginpabaskog para nga may haum man ro mga mga maestro sa andang paga-ubrahon.
Sugang pa nana, gin-taw-an ro tagsa ka mga eskwelahan it kapasidad nga mag-suspinde it klase ingkaso mag-abot sa 40 degrees ro heat index.
Gina-ekspektar man nanda nga medjo magiging granulated ro pagsuspine it klase bangud nga bukon it tanan nga lugar hay may parehong heat index.
Paathag man nana nga sa pihak nga magiging apektado ro required number of teaching hours sa mga igapatuman nga tikang, apang bangud sa paeag raya sa ikamayad nga eawas it mga estudyante, mas unahon eon lang anay it ahensya ro seguridad it mga raya.
Paathag dugang ni Dr. Nalegas, sambilog sa mga nagiging rason man it pag-suspinde it klase ro pagpatigayon it mga fogging sa pila ka mga eskwelahan nga nakalista it kaso it dengue.
Sa pihak it mga raya, mas mayad sigon nga taw-an it prayoridad ro kaeuwasn it mga inunga.
