KALIBO, AKLAN— Sa nagahilapit nga pagtapos it school year, uman nga ginpadumdum it department of education ukon dep-ed-aklan ro mga pampubliko ag pribadong eskwelahan nga ipabilin nga simple apang memorabli ro pagahiwaton nga graduation ag moving ceremonies;
Suno kay Dr. Jessie Gomez, schools division superintendent it dep-ed-aklan nga nabaton eon nanda ro ginpaguwa nga deped order ni Education Secretary Leonor Briones nga nagaplastar it mga sueundanan para sa pagpatigayon it end of school year rites sa school year 2016-2017 nga kon sa siin gintaeana ro mga seremonya makaron nga dag-on antes ukon sa mismong abril 7, 2017.
May temang “sabay-sabay na hakbang tungo sa maunlad na kinabukasan”, ginasugid nga ro seremonya makaron nga dag-on hay naga-highlight sa importansiya it pagbueuligan it mga stakeholders ag learners sa pag-abot it shared vision it quality, accessible, relevant ag liberating basic education para sa tanan.
Sa pihak nga parte, angot sa kampanya it pagtipid it gobyerno, uman nga ginpamilit ni Dr. Gomez nga himuon nga simpli apang meaningful ro graduation ag moving up ceremonies.
Ginpadumdum nana ro mga pampublikong eskwelahan nga magsunod sa “no collection” policy it dep-ed.
Apang , ginabaton ro boluntaryo nga donasyon ukon kontribusyon it parent teacher association ukon PTA nga kon sa siin bawae ro magbaton it amot ro mga manugturo.
Ginklaru man ni dr gomez nga ro graduation rites hay para sa mga grade 6 nga magabaton it diploma apang ro grade 10 hay makaangkon eamang it moving up ceremony nga magabaton it certificate bangud sa implementasyon it k to 12 program.
Pwede sigon nga magsuksok it school uniform ag sa sueod eamang it eskwelahan ukon barangay pavement hiwaton ro seremonya.
Ro medal sigon makaron nga dag-on hay may prescribed nga size ag itsura base sa department order it ahensiya.
Samtang, ginapasugtan sigon makaron nga makaangkon it daywa ukon masobra pa nga valedictorian basta nga maka-abot sa average grade nga 97 to 100.
Nag-apela man si dr gomez nga indi pag-obrahon nga political forum ro graduation.
Suno kana nga kon mahimo nga ro pagaboe-on nga graduation speaker hay produkto ukon graduate it nasambit nga eskwelahan nga makabig nga naging madinaeag-on sa anang career.
