KALIBO, Aklan—Nagpanawagan si Dr. Darren Naelgas, Education Program Supervisor, Division Information Officer Alternate it DepEd Aklan sa anang mga kaibahan sa propesyon nga mag-isip anay bago mag-click, mag-react ukon magkomento sa mga nagakalhit nga post sa social media.
Ro pahayag hay kasunod it kontrobersiya sa naging pahayag ni Palace Press Officer Usec. Claire Castro angot sa pilang manugturo nga gina alegar nga naga eabag sa moralidad ag nagaturo it bukon it mayad nga batasan sa mga estudyante.
Suno kay Dr. Naelgas nga indi dapat eagi mag-react ro mga teachers sa sangka pahayag nga owa naeubtan ro bilog nga konteksto.
Dugang pa nga may ginhalinan ro pahayag ni Castro ag dapat man nga irespeto nga may kinamatarung ro kada isaea nga magplastar it kaugalingon nga opinyon.
Samtang, gin insister pa kara nga mabahoe ro sakripisyo it mga manugtiro kaibahan ro pag-extend it oras ag pag-tuman sa andang obligasyon nga sobra pa sa andang regular nga responsibilidad.
Gin engganyo ni Dr Naelgas ro mga manugturo nga magpabilin nga nakatutok sa propesyonalismo, ethics ag mayad nga pagbinatasan ag indi pagpasugtan nga matabunan it mga kontrobersiya ro positibong amot nanda sa kabuhi ag paeaabuton it andang mga estudyante.
