KALIBO, Aklan—Nakalista it 97 percent nga turn-out it mga enrollees ro Department of Education (DepEd-Aklan) para sa school year 2020-2021.
Suno kay Assistant Schools Division Superintendent Jose Niro Nillasca nga base sa andang pinakaulihing datos, nakalista ro probinsya it Aklan it 91 % nga mga enrollees para sa Kindergarten, 95 % para sa Grade 1 hasta 6 , 97 percent sa Junior High School ag 112 percent sa Senior High School.
Bangud kara, may una eamang sigon nga tatlo sa sanggatos nga estudyante ro owa nakapag-enroll makarun tuga it pandemic bangud sa coronaavirus disease.
Samtang, may pilang ka mga ginikanan man ro nagdesisyon nga sa pampublikong eskwelahan eun lang ipa-enroll ro andang mga unga bangud maeapit raya sa andang lugar.
Nagpadumdom man ro DepEd sa publiko nga magapabilin nga bukas ro mga pampublikong eskwelahan sa pagbatun it mga late enrollees maskin nga nagtapos eun ro gintaeana nga deadline it ginpatigayon nga remote ag physical enrollment.
Hasta sa adlaw it klase sa buean it Agosto hay pwede sa gihapon nga magpa-enroll ro sangka estudyante nga gustong makapagtapos sa andang pagtuon.
