KALIBO, Aklan–May sangkiri nga pag-ayos eon lang sa mga venues ag billeting quarters ro probinsiya it aklan para sa nakataeana kara nga pag host it western visayas regional athletic association ukon WVRAA meet 2023.
Suno kay Dr. Feliciano Buenafe, Schools Division Superintendent it Department of Education ukon DepEd-Aklan nga haeos all set and ready eon kato ro pag-host it probinsiya apang napurnada bangud sa pagpanaeasa it COVID-19 pandemic.
Mabahoe man ro andang pagpasaeamat bangud sa suportang ginapakita ni aklan governor joen miraflores para sa pinakamabahoe nga sporting event sa Western Visayas.
Gindugang pa ni Dr. Buenafe nga preparado eon man sanda sa pag-welcome sa mga atleta, coaches ag sports officials.
Sa pihak kara, owa pa sanda it ginabuytan nga numero it mga delegado.
Sa kamatuoran suno may nagpatigayon eon sanda it inspection may daywang domingo eon ro nagtaliwan kaibahan ro mga local government units ukon LGUs ag provincial governments sa mga dati eon nga natumod nga venues ag billeting quarters kun sa siin ginaplancha eon ro mga kakueangan.
Sa pihak kara, sangka virtual meeting ro pagahiwaton hin-aga nga adlaw it martes para sa pagsapinal it presentation sa DepEd regional office.
Ro tentative schedule it WVRAA meet 2023 hay posibleng sa abril 24 hasta 28, 2023 nga gintiempo nga owa it klase agud nga indi madisturbo ro pagtuon it mga estudyante.
Sa makaron hay gin-umpisahan ro district meet nga pagasundan it unit meet hasta it provincial meet bilang preparasyon sa WVRAA.
