Nakabaton ro Department of Education (DepEd) Election Command Center it kabilugang 160 nga report halin sa nagkaeain-eain nga field offices hasta kaina it ala-1:30 it hapon makaron nga adlaw it eleksyon 2025.
Kaabuan sa mga report hay may kaangtanan sa mga problema sa Automated Counting Machine (ACM), naduea nga pangaean sa listahan it mga botante, ag mga isyung pang ikamayad nga eawas it mga manugturo ag personnel it DepEd nga nagaserbeng election workers.
Suno sa DepEd, insigidang ginasolusyunan ro mga insidente sa bulig it COMELEC, Philippine National Police (PNP), ag iba pang ahensyang kabulig agud masiguro ro maayos, eowas ag tampad nga eleksyon.
Bilang sabat sa direktiba ni Education Secretary Sonny Angara, padayon ro koordinasyon it DepEd Task Force, sa pagpanguna ni Usec. Malcolm Garma, kaibahan ro mga Regional ag Division Election Task Force teams agud siguraduhon ro eowas ag madasig nga aksyon sa anumang insidente nga makaapekto sa kapakanan it mga manugturo.
