Hugot nga ginpamalibaran it Department of Education (DepEd) ro mga nagakalhit nga post sa social media nga nagahambae nga makaangkon it dugang nga Grade 13 sa senior high school umpisa sa School Year 2025–2026.
Gintumod it DepEd ro sangka Facebook post nga may pekeng publication material nga nakabaehag nga may dugang nga grade level sa senior high school.
Ginklaro it ahensya nga ro senior high school hay may-una eamang nga Grade 11 ag Grade 12.
Padumdom it DepEd sa publiko nga maging mapang-usisa ag likawan ro pagpakalhit it saea nga impormasyon.
Samtang, uman nga ginbalik sa pre-pandemic school calendar ro bukas it klase kon sa siin ro masunod nga school year hay magaumpisa eon sa Hunyo 16, 2025 ag magatapos sa Marso 31, 2026 sandig sa DepEd Order No. 12, Series of 2025.
