Nag-tao it pahanugot ro Civil Service Commission (CSC) sa Department of Education (DepEd) nga mag-hire it 10,000 non-licensed school counselors para solusyunan ro kakueangan it guidance counselors sa nasyon.
Ro mga bag-ong posisyon hay pagatawgon nga School Counselor Associate I, nga pwedeng pun-an it mga nagtapos it psychology, behavioral science, ukon guidance and counseling maskin uwa it PRC license basta may 200 oras nga training.
Suno kay Education Secretary Sonny Angara, raya hay parte it pagpatuman it RA 12080 ukon Basic Education Mental Health and Well-Being Promotion Act nga tuyong pabaskugon ro mental health support sa mga eskwelahan.
Nakataeana eon ro P2 bilyon sa 2026 national budget para sa mga posisyon, apang nadelay ro implementasyon kara bangud sa ginahueat nga guidelines halin sa CSC ag DBM.
Ginaeauman nga maga-umpisa ro unang batch it mga counselor associates makaron nga dag-on agud insigida nga masolusyunan ro pagkinahangean it mga estudyante.
