Pagabuhinan it Department of Education (DepEd) ro administrative work it mga manugturo bilang sabat sa sentemyento it mga raya nga kueang pa sanda sa pahuway.
Ginpahayag ni DepEd spokesman Michael Poa nga sayod it ahensya nga overworked eon ro mga manugturo rason nga pilit nanda rayang gina-usuyan it solusyon.
Apang sa pihak nga nai-intindihan sigon nanda ro kagaoy nanda, kinahangean sa gihapon nga padayunon ro pagbukas it klase kung siin paga-ubrahan eon lang it mga pamaagi nga mabuhinan ro andang trabaho.
Suno kay Poa, ginmandu eon ni VP ag Education Secretary Sara Duterte ro pagboue it dugang nga mga tawohan partikular it non-teaching personnel para mag-ubra sa mga administrative works.
Sa makarang pamaagi, mas maka-focus sigon ro mga raya sa pagturo.
Samtang, kasunod kara gin-anunsiyo man ni Poa nga magapatigayon man it “reskilling” at “upskilling” program ro DepEd para sa mga manugturo bilang pagpahaum sa pagbalik nanda sa pagturo.
