Magalunsar ro Department of Education (DepEd) it active shooter drills sa mga pampublikong eskwelahan bilang kaparte it mas ginpabaskog nga tikang sa seguridad it mga estudyante kasunod it insidente it pagpamaril sa sangka eskwelahan sa Tacloban City.
Suno kay Sonny Angara, tuyo it drill nga tur-an ro mga estudyante ag school personnel it tamang protocol ag mga dapat nga obrahon engkaso nga makaangkon it active shooter sa sueod it eskwelahan. Nakataeana sigon nga ilunsar ro programa hin-aga nga adlaw it Biyernes.
Mag-eowas kara, pagapabaskugon man it DepEd ro mga tikang kontra sa bomb threats pinaagi sa pagpatuman it mga protocol ag pakikipag-angot sa Philippine National Police agud nga mapataas ro seguridad ag police visibility sa mga eskwelahan.
Ro tikang hay sandig sa direktiba ni President Ferdinand Marcos Jr., ag kasunod it pagpamaril sa San Jose National High School ko Hunyo 22, kun sa siin tatlo ro namatay ag pila pa ro naninahan matapos ro pag-atake nga ginpatigayon it daywang estudyante.
